Det er mykje kjekt å gjere i Fitjar
og me hjelper deg å finne det beste!
Vi er glade for å setje saman ein haug med gode opplevingar i Fitjar for deg!
kom og finn deg sjølv!
Her er nokre ting du kan gjere i Fitjar
Er du ein av dei som kjenner kunsten av å nyte lågterskel opplevingar i godt selskap? I så fall, vi kan få gåsehuden til å reise seg på armane dine, glede til å boble i magen og varme til å spreie seg rundt hjartet ditt.
Høyr korleis Håkon den Gode sloss med Eiriksønene
Gå kulturløypa i Fitjar sentrum, anten aleine eller med eigen guide.
Sjå korleis laksen lever
Hos Engesund Oppdrettsanlegg og Visningssenter kan du sjå nærare på husdyret laksen.
Padla kano
Kråko Gjestetun har kanoar til gratis utlån!
Du får regningsvest med, og kan padla deg ein tur i Hellandsfjorden.
Gå tur på fjellet
Fjellet ligg klart, med turløyper av ulik vanskegrad, enten du er er "hjulbeint" syklist, rullestolbrukar eller vandrar til fots. Sjekk alternativane på UT.no
Kjøp lokalt øl
Mikrobryggeriet ELØ har vunne mange prisar for ølet sitt. Ølutsalet er ope kvar dag ute i Kråko, eller du kan kjøpa øl hos Spar Fitjar eller Fitjar Vinmonopol.
Klapp ei geit
Geitekillingen Tharald står klar til kos Oppe i Dalen. Han er mjuk og snill og elskar å treffa nye folk!
Finn dei hemmelege badeplassane
Fitjar har utruleg mange badeplassar, og vi deler gjerne vårt "hemmelege" kart.
Sjå Fitjarøyane frå rib-båt
Engesund Oppdrettsanlegg og Visningssenter arrangerar skjergardssafari med rib-båtane sine.
Isbading
Ikkje for kven som helst.
Besøk Fitjar kyrkje
Den fine kvitmalte trekyrkja har mange historier i veggene, og ei heilt spesiell gamal kyrkjeklokke.
Gå på stolpejakt
Stolpejakt er populært, og mange kjem til Fitjar for å jakta stolpar! Jaktsesesongen er frå april til oktober.
Ta ein dusj i Tveitafossen
Den vakraste lille foss finn du etter ein kort tur langs den idylliske stien gjennom skogen, og ei frisk avkjøling i fossen ventar når du er framme.
Dra garn i Storavatnet
Du kan bli med Knut Berge Aarbø ut tidleg om morgonen og trekke garn, kanskje blir det både aure og røye.
Padla kajakk
Ta med deg kajakken og oppdag 365 øyar å padla rundt! Boka Padling i Fitjarøyane er fin som turguide. Du kan kjøpa boka hos Fitjar Turistinformasjon!
Fitjarhumøret
Folk frå Fitjar, eller Fitjarbuen, føretrekk å vere tilbakehalden og vi bryr oss ikkje særleg om skryting. men dersom du tek deg tid til ein prat, vil du finne varme og omsorg. Skulle du nokon fryse på ein fisketur, kjem den gamle termosen ut med varm, sterk kaffi. Og viss du har tid, vil du høyre historia om Nils-Olai og hesten på leitet.
Fitjarbuen er kanskje stille, men dei brest ut i latter når sjansen byr seg, spesielt når Fitjar Fjordhotell arrangerar revyfestival.
Det er litt av alt
Arrangement
Aktivitetar for alle
Vil du gjere noko saman med andre? Fotball, karate, teater, breakdance, motorcross, eller kanskje noko heilt anna? Her er ei oversikt over fritidsaktivitetar på Bømlo, Fitjar og Stord som du kan bli med på!
Klikk på "Aktivitetar for alle" under, her vil du finne ei oversikt over varierte fritidsaktivitetar og andre arrangement.